Google+ Followers

Wednesday, December 18, 2013

Noble Quest



එක  වහල යට සිටියත්, නොදැක්ක , ආදරණීය සැමියා, බිරිඳ
නිවීමට පත් වූ අය, සාමාන්‍ය ලෙස ජීවත් වෙන අතර
සාමාන්‍ය පුද්ගලයින්, නිවනට පත් වූ අය ලෙස හැසිරීමට වෙහෙස ගන්නවා.
(මේ සෙන් කියමනකි)
සෙන් ගුරුතුමකු තම පුහුණුව පැහැදිලි කරන්නේ මෙසේය.
මම ආහාර ගන්නා විට, මම ආහාර ගන්නවා
මම ඇවිදිනකොට, මම ඇවිදිනවා
මම නිදාගන්නා විට, මම නිදාගන්නවා
ආදරණීය ගොඩ්වින් ගුරුතුමා අපට මේ කියමන මතක් කර දෙන්නේ, සත්‍ය සොයා පිපාසයෙන් මෙන් දුවන්නන්, රවටිලිකාරයින්ගේ ඔඩොක්කුවට වැටීමෙන් වලක්වාගැනීමටය.
සත්‍යවිකුණාගෙන කන, ගිහි පැවිදි මෝඝ පුරුෂයින්ගෙන් අපව බේරා ගැනීමටය.
භාවනාව සම්බන්ධ අපගේ එදිනෙදා ජීවිතයටයි. සාර්ථකත්වය නම්, පවුලේ ආදරණීය සාමාජිකයින් තුලින් පෙන්නුම් කරන ආදරයයි, සෙනෙහසයි. වගකීම්, යුතුකම්, රාජකාරි කටයුතු ගුණත්වයකින් සිදුවීමයි. දසබලදාරි නම් දසගුනයකින්, එදිනෙදා වැඩකටයුතුවල  ගුණාත්මකබව ඉහළයාමයි.
අහසින් වැඩීම, පොළොවේ කිමිදී යාම, අනුන්ගේ සිත් දැන ගැනීමට ඇති හැකියාව,......ආදී මැජික් නොවේ.
ඉතාම සරලව කියනවානම්, දිනෙන් දින ඔබ කැදැල්ලේ සතුට, සමගිය, සැනසීම වැඩිවිය යුතුය. සම්බන්දතා ගුණාත්මකව වැඩි දියුණු විය යුතුය.
මේ හැම දෙයක්ම අපේම ජීවිතයට සම්බන්ධ, එදිනෙදා  සාමාන්‍ය දේවල්. කිසිසේත්ම් විශේෂ දේවල් නොවේ.
හොරු, තක්කඩි උත්සාහ කරනවා, මේවා සුවිශේෂීයි. ඒ වගේම විශේෂ කාණ්ඩයකට පමණක් මේ දේවල් අයිතයි කියලා පෙන්වන්න. මේවා බඩගෝස්තරය රැක ගන්න කරන කපටිකම්.

ඔබ, මම එදිනෙදා ජීවිතයේ කරන  කටයුතු, සරලව, සහ සිහියෙන් කරන්න පුරුදු පුහුණු වෙන්න ඕන. අන්න එතකොට ඒවා විශේෂ වෙනවා.

මෙතරම් කලක්, එක  වහල යට සිටියත්, නොදැක්ක , ආදරණීය සැමියා, බිරිඳ, දුවා, දරුවන් දැක ගන්නට පුලුවනිනම්, එය තමා මේ ගමනේ සාර්ථකත්වය මනින මිම්ම.