Google+ Followers

Thursday, December 24, 2015

ZEN STORIES





















උගත් තරුණයෙකු රැකියාවක් සඳහා සම්මුඛ පරීක්ෂණයකට ගියේය. සුදුසුකම්
සපුරා ඇති බැවින් පළමු වටයෙන් තේරුණ ඔහුට අවසන් පරීක්ෂණයටද කැඳවුමක් ලැබුණි. ආයතන
ප්‍රධානියා තරුණයාගේ අධ්‍යාපන සුදුසුකම් පිළිබඳව බෙහෙවින් තුටු වුණත් ඔහුගෙන් පැණ
කීපයක් ඇසුවේය.
"ඔබට මෙතරම් දුරට ඉගෙන ගන්නට ශිෂ්‍යත්ව කිසිවක් ලැබී තිබෙනවාද?"
"එවන් ශිෂ්‍යත්ව මා දිනාගෙන නැහැ"
"එසේනම් ඔබේ අධ්‍යාපනය වෙනුවෙන් වැය කලේ ඔබේ මා පියන් ?"
"ඔව් මගේ අධ්‍යාපනය වෙනුවෙන් වියදම් කලේ මගේ පියා"
"
ඔබේ පියාගේ රැකියාව කුමක්ද ?"
"
ඔහු කම්මල්කරුවෙක් "
"
ඔබ කවදා හෝ ඔහුගේ වැඩකටයුතු වලට සහය වී තිබෙනවාද"
"
එසේ කිරීමට ඔහු කිසිවෙටකත් මට ඉඩ දුන්නේ නෑ - මගේ පාඩම් වැඩට ඉන්
බාධා වේ යැයි සිතා"
"
හොඳයි ඔබ හෙට නැවත එන්න - නමුත් ඔබ අද කළයුතුයි යමක්"
"
සර් කුමක්ද මා කළ යුතු?"
"අද සවස වැඩ නිමාවී ගෙදර එන ඔබේ පියාගේ දෑත් සෝදා පිරිසිදු කළයුතුයි
ඔබ."
තරුණයා එදා හවස වැඩ නිමවී නිවසට පැමිණි පියාගෙන් ඉල්ලීමක් කළේය.
"
තාත්තේ අද මට ඔය අත් දෙක සෝදා පිරිසිදු කරන්න ඉඩ දෙනවාද ?"
තරමක් පුදුමයෙන් වුණත් සතුටින් පියා පුතාට එය කරන්නට ඉඩ දුන්නේය.
පියාණන්ගේ අත් මුදුව ගෙන හෙමි හෙමින් සෝදා පිරිසිදු කරන පුත්‍රයා
හට මෙතෙක් ඔහු නොදුටු දෑ බොහෝ දැකගත හැකිවිය. ජීවිතයේ පළමු වරට ඔහු පියාගේ අත්වල
රළුව
, වියලි බව, රැලි
හා කැළැල් දුටුවේය. එහිවූ තැලුම් කෙතරම් වේදනා ගෙන දුනිද කිවහොත් පුතුගේ මුදු පහස
වුව රළුව දැනුණි.
ජීවිතේ පළමුවරට මේ තරුණයා බොහෝ දේ අවබෝධ කරගත්තේය. මේ දෑත කෙතරම්
විසල් මෙහෙයක් කළාද ඔහුගේ අද දවස වෙනුවෙන් කියා සිතද්දී ඔහුගේ නෙත් කඳුලින්
පිරුණි. තම සුකුමාර දෑතේ මුදු බව සදා පවතිනු පිණිස නොවේද මේ දෑත් මෙතරම් රළුවූයේ.
මේ තැලුම් බිඳුම් හා රිදුම් ඔහුට සුවය සදන්නට ගෙවූ මුදල නොවේද. පියාණන්ගේ දෑත්
පිරිසිදු කළපසු කම්මලට ගිය පුතු එයද පිරිසිදු කොට රැය පහන්වනතුරු පියාණන් හා
සාමිචියක යෙදුණේය.
එය පුතාටත් පියාටත් ඔවුනගේ ජීවිතවල වටිනාම දවස විය.
පසුදා නැවත ඔහු රැකියාව බලාපොරොත්තුවෙන කාර්යාලයට ගියේය.
"හොඳයි ඔබට දැන් කියන්නට හැකිද ඔබ ඊයේ උගත් යමක් වේද කියා"
"සැබැවින්ම බොහෝ දේ මගේ පියාගේ දෑතින් මා දුටුවා - අද මට මේ සියල්ල
දෙන්නට ඔවුන් විඳි දුක් කරදර සියල්ල මට මැනැවින් අවබෝධ වුණා. මගේ මාපියන් නොමැති
නම් මා කිසි සේත් අද මෙතැනට එන්නට සුදුස්සෙක් නොවන බව මට වැටහුණා. එපමණක් නොවේ ජීවිතය
තනිවම ගෙනයෑම කෙතරම් අසීරුද කියාත් මා දැනගත්තා"
"බොහෝම අපූරුයි! මට ඔබ ගැන සතුටුයි. මට අවශ්‍ය ඔබ වැනි තරුණයින්.
කෘතවේදී බව අන් අය තමා වෙනුවෙන් කළ දෑ අගය කල හැකි. එපමණක් නොවෙයි ජීවිතය රෝස මල්
යහනාවක් නොවන බව පහදා ගැනීමත් මෙලොව ඇති උසස්ම දේ මුදල නොවන බව වටහා ගැනීමත් ඉතා
වැදගත්."
දෙමාපියන් බොහෝවිට තම දරුවන්ට ඉතා සුවපහසු ජීවිතයක් දෙන්නට බොහෝ
දුක් විඳිනවා නමුත් දර්වන් ඒ ගැන දන්නේ නෑ ඒ ගැන සිතන්නේත් නෑ. එය මේ දරුවන්
වැඩිහිටියන් ලෙස සමාජයේ විඳින්නට වෙන දුෂකර යථාවෙන් ඈත් කරනවා. එය ඔවුනට එම
ජීවිතයට මුහුණ දීම අපහසු කරනවා. සැමවිටම දරුවන් කුඩා කල පටන් ව්ගකීම භාරගෙන ක්‍රියාකිරීමට
හුරුකිරීම වැදගත්. පවුල තුල සහජීවනයෙන් වැඩකිරීමට හුරුවීම සමාජයේදීත් වගකීම්
තුටින් ඉයුකරන සහජීවනයෙන් වැඩකරන යහපත් පෞර්ශ‍යක් ඇති දරුවන් බිහිකරනවා.


ජීවිතය අසීරු ගමනක් බවත් එය යෑමට උත්සහය හා ධෛර්‍යය අත්‍යාවශ්‍ය
බවත් දරුවන් දැනගත යුතුමයි. එවිටයි ඔවුන් සමාජයෙහි අභියෝග වලට නොබියව මුහුණ දෙන්නට
පුරුදුවන්නේ.

Be as you are





බිය, කෑදරකම, බලයට තියෙන ආශාව
මේවා ජාතීන්, ආගම්, කුල, මතිමතාන්තර අතර
යුධ කලකෝලාහල සහ සැහසිකම්වලට
හේතුභූත වුවා පමණක් නොව
පුද්ගල සම්බන්ධතාවල ගැටළු 
ඇතිකිරීමටද හේතු පාදක වී ඇත.
බිය සහ සැකය හැම ජීවිතයක්ම
පසුබිමින් ගලාගෙන යන අතර
බොහෝවිට මේ නිසා මෙතන
සිහිය පවත්වා ගැනීම අසීරුවී ඇත.
ඔලුවේ දෝංකාර දෙන මේ
ඉස්පාසුවක් නොමැති තත්වයෙන්
ගැලවීමක් නොමැතිද?
තිබේ.
ඒ ව්‍යාජයෙන් නොව අව්‍යාජයෙනි
බොරුවෙන් නොව සත්‍යය යෙනි
සොභාදහමට ලංවීමෙන් මිස ඉන් දුරස්වීමෙන් නොවේ
මහපොළොවේ පයගැසීමෙන් මිස අඩි හත අටක් උඩින් ඇවිදීමෙන් නොවේ
සාමාන්‍ය මිනිසකු වීමෙන් මිස අසාමාන්‍ය මිනිසකු වීමට ට්‍රයි කිරීමෙන් නොවේ
මේ ජීවිතයම ආර්ය පර්යේෂණයට ලක්කිරීමෙනි
රෙද්ද මාරුකර කැලෑ වැදීමෙන් නොවේ
ගිහිගෙයින් නොව සිතුවිලිවලින් නික්මීමෙනි
මෙතන, මේ ක්ෂණයේ ජීවත්වීමට පුරුදු පුහුණු කිරීමෙනි.
නැවතත් කුඩා සිගිත්තකු වීමෙනි
ඒ ඔබ ඔබම වීමෙනි.

Wednesday, December 16, 2015

In a backward village





හද්දා පිටිසර ගමක 
කිසිදු සමාජ ආර්ථික පසුබිමක්
නොමැතිව හැදුනු, වැඩුනු 
ඔහුට, 
ලැබුන ප්‍රථම ඔවදන: 
යහපත් පුරවැසියකු වන්නටය.
ඒ දෙමාපිය ඇතුළු වැඩිහිටි, පන්සලේ හාමුදුරුවෝ,
දේශ පාලකය, සහ මාද්යවෙදියාගෙනි .
අනුන්ගේ පොල්ගකට නැග
කුසගින්න නිවා ගත් හේ 
අම්මා කුලී වැඩ කර ගෙනදුන් මුදලින්
ඉගෙනගත්තා.
සා. පෙ. / උ. පෙ. සමත් වුනාම
සතුට, සැනසීම, ඔක්කොම හරි කිව්වා.
නොකා නොබී සැතපුන් 4 ක් පමණ 
මිරිවැඩි සගලකුදු නොමැතිව 
හේ දැඩි අදිෂ්ඨානයෙන් අකුරු කළා.
විභාග සමත් වුවද ඒ කී සතුට නොදැ ක් කෙමි.

අම්මා ඇතුළු වැඩිහිටි සමාජය ඔවදන් දුන්නා -
පුතේ තව ඒක පිම්මයි පනින්න තියෙන්නේ.
එතන තමයි ජය කනුව.
ඔහු උපාධි යද කටපාඩම් කර වමාරා
ඉහලින් සමත්වුනා.
කෝ අම්මේ අර කී සැනසීම?

දැන් ලගයි රත්තරනේ. දුර්වල වෙන්න එපා. 
අපේ සනුහරේම ගොඩදාන්න පුළුවනි.
මසකට රු. 600/ දීමනාවට ලෝක ප්‍රසිද්ද PK MG එකෙන් 
වසර 2 ක් පුහු නුවී ලෝකයේ ශ්‍රේෂ්ඨතම 
කලාමනාකරන ශිල්පීය ක්‍රම (බටහිර පොත් වනපොත් කර)
අත් දුටුවා.
රජයේ විධායක තනතුරක් ලැබුනා. 
කෝ අම්මේ වැඩිහිටියෝ පොරොන්දුවුනු සරල බව?
කසාදයක් බදගත්තම , හොද, වැදගත් පවුලකින්
අපි නිදහස් පුතේ.
බැන්දා. 
ජීවිතය පසුබිමින් නිහඩව ගලා ආ 
සැකය සහ බිය ගංගාව
මහහඩින් දෝරේ ගලන්නට වුනා.
ඉස්පාසුවක් නැද්ද අම්මේ ජීවිතේට?

මැ රෙන්න කලින් මේ ඇස්දෙකට දකින්න 
මුනුපුරෙක් ඉන්නවනම්?
එහෙත් පීඩනය මිස සැනසුම ලගානොවිනි.

නොගියපු/ නොවැදපු පන්සලක්
වන සෙනසුනක්, පුජාවක් නැත. 
මේ ප්රෝඩාකාරයින්ට වඩා
දුක් මහන්සියෙන් දරු පවුලක් නඩත්තු කරන 
මිනිසුන් ලග ඉස්පාසුව ඇතිබව මම අත්දැක්කා.
මියගිය අතීතයේ වෙලී සුසුම් හෙලුවා.
අනාගත සිහින මන්දිරවල / මනෝ ලෝ කවල 
රජකලා.
මෙතන, මේ සිටින තැන, 
දරුපවුල සමග, වෙනත් (බණ ටෝක් වල කියන 
දිවියලෝ ක) කොතනකවත් නැති 
සරලබව, ඉස්පාසුව , සැනසුම
ඇතිබව හේ අත් දුටුවා.

‘ මේ අසවලාට පුළුවනි අහසින් යන්න.
.................... ඔබට මොනවාද පුළුවන්?’
ඔහුගෙන් ඇසුවා.,
‘බඩගිනි වෙනකොට කනවා
නිදිමතවෙනකොට නිදියනවා.
මම සාමාන්‍ය මිනිහෙක්.

‘ඔබ දෙපල එක වහල යටට වී වසර 25 යි.
තවම ඔබ ඇයව හදුනා ගත්තද?
තව ටික කලකින් මැරිලා යාවි..
එතකොට මේ ලෝකේ සැබවින්ම, 
කොන්දේසි නැතිව ආදරය කල කෙනෙක් 
ඉදීවිද ඔබට ?’
ඔහු පෙරලා ඇසුවා.

Lotus grow out of mud





Fear, greed, and the desire for power

are the psychological motivating forces

not only behind warfare and violence

between nations, tribes, religions, and ideologies,

but also the cause of incessant conflict in

personal

relationships.





Is there a way out of suffering and into peace?





Yes.







A simple yet profound message with the timeless and uncomplicated clarity of

the ancient spiritual masters.

Monday, December 14, 2015

ජීවත්වීම සදහා ආගම





අද මේ සමාජ ව්‍යසනයට ආගමික පුජකවරු,
දේශපාලකයින්, සහ ජනමාධ්‍යවේදීන් වගකිව යුතුය. මන්ද, ඔවුහු හුදු ජීවනෝපාය වෙනුවෙන්
වෘත්තීයක්  කල එවුන් නිසාය.

Sunday, December 6, 2015

Living in the present



“Nothing ever happened in the past that can prevent you from being present now.”

Eckhart Tolle

ඔබව මෙතනින්/ මේ ක්ෂණයෙන් ඉවතට ගැනීමට/ සිහි විකල් කිරීමට සමත් කිසිවක් අතීතයේ සිදුවුයේ නැත. සිදුවන්නේද නැත.