Google+ Followers

Saturday, January 30, 2016

கிரீன் பலூன் Pachcha Baloon





බැලුන් විකුණන මාමා
පාට පාට ලස්සන බැලුන්  අරන්
බයිසිකලෙන් ගමට
එන්නේ ඉරිදා හවසට.

අපි හැමෝම
පාරට ඇවිත් බලාගෙන ඉන්නවා

කොල්ලො  කුරුට්ටො  ටික
බයිසිකලේ පස්සෙන් කැ ගහ ගහ දුවනවා
සල්ලි තියෙන අය
බැලුන් ගන්න දිහා
හොදට බලන් ඉන්නවා

අපිත් වටකරගෙන
බලුන්වල ගණන් අහනවා
තොපිට ඇති සල්ලියක් නැහැ
කියල බැනල එලවනවා
ගෙදර ගිහින්
අම්මගෙන් ඇහුවට වැඩක් නැහැ.
තාතාගෙන් ඇහැව්වොත්
එක්කෝ බැනුම්
නැත්නම් ගුටි

පැරණි  බෙලෙක්කෙකට ගල්
කැටයක් දමල
හොලව හොලව අහල  පහල
ගෙවල් වලට ගිහින්
සතය  දෙක ඉල්ලගෙන
එකතුකරලා බැලුමක් ගත්තු දවසට
අපි හැම දෙනාටම


හරිම සතුටුයි.